اسلامی شکچھا

تعلیم الاسلام از مفتی کفایت اللہ دہلوی ؒ  حصہ اول و دوم کا نیپالی ترجمہ مشہور مترجم قرآن در نیپالی مولانا محمد جمیل ندوی گورکھا لی نے کیا ہے۔ اس کتاب کو بچوں کے لیے سہل اور آسان تر بنانے کے لیے انھوں نے بے حد کوشش کی ہے۔ وہ بچے اور کم پڑھے لوگ جو نیپال کے پہاڑی علاقوں میں رہتے ہیں اور ان کی مادری زبان نیپالی ہے ان کے لیے ایک بہترین کتاب ہے۔ اس کتاب کے ذریعہ وہ نیپالی زبان میں دین کی بنیادی باتیں، درست عقائد طہارت، وضو اور نماز کے طریقے اور مسائل نہایت آسانی سے سیکھ سکتے ہیں۔ اس کتاب میں جہاں مسائل کا ذکر بہت عام زبان میں سمجھایا گیا ہے وہیں ذکر و اذکار اذان نامز کے دوران پڑھی جانے والی آیات و ادعیہ و اذکار کو نیپالی رسم الخط میں بھی لکھا گیا ہے تاکہ وہ حضرات جو عربی رسم الخظ سے نابلد ہیں وہ بھی ان دعاؤں اور تسبیحات کو بخوبی یاد کرسکیں۔ ساتھ ہی کہیں پر اگر کوئی اصطلاحی لفظ یا مشکل الفاظ مجبورا لانے پڑے ہیں تو ان کی آسان زبان میں تشریح بھی کردی گئی ہے۔ بچوں اور خالص نیپالی جاننے والوں کے لیے ایک بہترین اور عمدہ پیشکش ہے۔ کتاب کی قیمت صرف ۱۵۰ روہے نیپالی ہے۔